e-iştirak vətəndaşların dövlət idarəçiliyində fəal iştirakını təmin edən innovativ rəqəmsal platformadır. Platformanın əsas məqsədi qərar qəbuletmədə vətəndaş səsinin nəzərə alınmasını təmin etmək, ictimai dialoqu genişləndirmək və inklüziv idarəetməni təşviq etməkdir. 

Bu platforma vasitəsilə istifadəçilər öz fikir və təkliflərini bölüşə, ictimai sorğularda iştirak edə və müxtəlif mövzularda rəy bildirə bilərlər. Bununla da, dövlət qurumları ilə birbaşa və çevik əlaqə yaratmış olurlar. 

e-iştirak mövcud idarəetmə modelini əməkdaşlıq əsasında gücləndirir və həm cari təşəbbüslər, həm də yeni ideyalar üzrə açıq müzakirə mühiti yaradır. Platformada hər bir istifadəçi üçün sadə və funksional interfeys təqdim olunur ki, bu da istifadənin əlçatanlığını artırır. 

Məlumatların etibarlı qorunması və istifadəçi məxfiliyinin təmin olunması isə platformanın əsas prinsiplərindəndir. Bu cəhətlər e-iştirak platformasını vətəndaş iştirakçılığının rəqəmsal mühitdə gücləndirilməsinə xidmət edən mühüm bir alətə çevirir.. 

e-iştirak platformasının sahibi Azərbaycan Respublikası Prezidentinin Administrasiyası və operatoru Rəqəmsal İnkişaf və Nəqliyyat Nazirliyidir. 

Missiyamız vətəndaşların ictimai idarəetmədə iştirakını təşviq etmək, onların idarəetmə sahəsində fikir və töhfələrini ifadə edə biləcəyi rəqəmsal mühit yaratmaqdır.

Biz dövlət-vətəndaş əməkdaşlığını gücləndirərək açıq hökumət, etimad və birgə fəaliyyətə əsaslanan idarəetməni dəstəkləyirik. Məqsədimiz inklüziv və iştiraklı cəmiyyətin formalaşmasına töhfə verməkdir. Bu yanaşma bizi daha dayanıqlı və birliyə əsaslanan gələcəyə doğru aparır.