Portal vətəndaşların qanunvericilik təşəbbüsü hüququndan istifadəsi ilə bağlı nə təmin edir?

Portal vətəndaşların qanunvericilik təşəbbüsü hüququndan istifadəsi ilə bağlı elektron imkanlar yaradır.

Portal vasitəsilə vətəndaşlara aşağıdakı imkanlar yaradılır:

Təşəbbüs qrupunun yaradılması və qeydiyyatı – vətəndaşlar qanunvericilik təşəbbüsü ilə çıxış etmək üçün formalaşdırdıqları təşəbbüs qrupunun qeydiyyata alınması üçün elektron qaydada müraciət təqdim edə bilirlər.

Layihənin təqdim edilməsi – qanunvericilik təşəbbüsü layihəsi və tələb olunan sənədlər Mərkəzi Seçki Komissiyasına Portal üzərindən elektron formada təqdim edilir.

Layihə ilə tanışlıq – təqdim olunmuş layihələrin məzmunu ilə tanış olmaq və onların izahını əldə etmək imkanı yaradılır.

İmzaların elektron toplanması – layihə təsdiq edildiyi halda onun dəstəklənməsi üçün vətəndaşların imzaları Portal vasitəsilə elektron qaydada toplanılır.

Məlumatlandırma və izləmə – təşəbbüsün qeydiyyatı, baxılması və nəticələri ilə bağlı məlumatlar vətəndaşlara elektron qaydada təqdim olunur.